Big Fun Fit 健康．美容．生活
星期六晚上約朋友食飯，清清地唔想食肉，所以我地就來咗呢間「波羅密素食」食齋喇！地點位於佐敦，地鐵D出口轉左行兩分就到了！
可能位置不算正中尖沙咀旺區，所以不用等已經可以立即入座了！:D
食店面積不大，低調既中式酒樓裝修，夾雜宗教既佈置。
友人第一次食齋，眼看餐牌上似肉非肉既餸菜名，問咗好多”點解既？好犀利呀？”既問題之後，我地最後叫咗1湯＋2餸＋1飯… 😛
瑤柱海皇豆腐羹
材料有豆腐、素海鮮、黃耳、草菇、金菇等，十分足料！吃起上來具多重口感，且味道鮮甜！
蜜汁叉燒
表面塗咗少少蜜糖，烤得焦香，內裡質地卻帶點點軟綿，若同「麗姐」既招牌叉燒比較，口感好唔同。
梅菜咸魚肉餅臘腸煲仔飯
推介菜式！咸魚夠哂大粒，加埋勁多臘腸，又咸又香好夠味，豉油都唔洗落！梅菜加肉餅嘅組合無得輸，味道互相輝影！最驚喜係有唔少脆卜卜飯焦，一碗飯已刺激咗多重味覺享受！
古法蒸法輪卷
腐竹包住類似海草既食材，味道較為清淡，水準OK。
經過這次素食初體驗，朋友對齋菜也開始改觀了！
除咗佐敦店，佢仲有銅鑼灣店同荔枝角店，想試下食素既你可以去試下呢！
