爛手甩皮都唔洗怕！

由朝到晚都坐係辦公室，有時對手真係會又凍又乾，但市面上hand cream選擇又咁多，究竟邊一款先啱用呢？

今次我想介紹既，就係Lucas’ Papaw Remedies既木瓜軟膏喇！

首先佢既成份最特別就係有新鮮發酵既蕃木瓜肉，夠哂天然！

 

走平實路線既包裝，扭開蓋無人造清新味道，要嗅近先聞到淡淡既果香。

 

由於佢屬於油性，所以揸上手時感覺似豬油！但呢層薄薄既保護油(膜)卻十分滋潤，可以鎖住手部皮膚水份，抵抗公司裏又乾又凍既冷氣，就算有爛手甩皮問題都唔洗怕！

質地方面，雖然比一般hand cream較實，可能會比較難推開，但亦都係因為咁樣，所以唔會容易抺落手機或者自己件衫度，就算洗完手之後都唔洗再補揸。

最後順便一講，官方叫呢支做”ointment”(即軟膏/藥膏)，功能包括輕微燒傷燙傷，曬斑，蚊蟲叮咬等等….嘩，咁厲害？但其實我都係當佢係hand cream(或者潤唇膏都OK－這產品獲獎2014年Trip Advisor最受歡迎潤唇膏)，但至於其他功用…..不如大家買支自己返去試下？！嘻嘻………